يالله ياللي تسجـد الناس لرضـاه
.ياوامـر خلقه علـى حـج بيتـه
تفرج لمن سده على الناس ما ابـداه
راضي على مقسومك اللي عطيتـه
من شن يسل الحال والجسم يبـراه
.والنـاس مايشفونـه إن ماشفيـتـه
قلت آه واجرحـاه مـن علتي آه
وإن حملوني حمـل غـي قويتـه
قالوا سفا بالحال ويش اللي أغـواه
قلت آه ويش المنكر اللـي وطيتـه
قالوا جهلت وبـان علمـك لمنهـاه
قلت آه علمـي يامـلا مـا كميتـه
قالوا هله وأحباب عينـه نصحنـاه
قلـت آه هـذا واردٍ مـا بغيـتـه
قالوا ندور لك من البيـض حليـاه
قلت آه لـو غيـره بكفـي رميتـه
قالوا نشاش العـود مالـك بلامـاه
قلت آه عود المـوز بإيـدي لويتـه
قالوا تـزوج كـود تدلـه وتنسـاه
قلت آه لو خذت أربـع مـا نسيتـه
قالوا من أقصى الناس وين أنت وياه
قلت آه ما أنسى يوم جاني وجيتـه
قالـوا نشوفـه عنـد هـذا وهـذاه
قلت آه ماعمره عقب حجـر بيتـه
قالـوا عليـلٍ وناقلن داه بــرداه
قلت آه بأقرابـي وروحـي فديتـه
قالـوا نشيـر ولا نفـع ماحكينـاه
قلت آه هـراج النمايـم عصيتـه
قالوا كثر شيبـك وقلبـك بعميـاه
قلت آه لـو قلبـي غريـر نهيتـه
إمطـاوعٍ قلبـي بعجفـاه وإقــداه
وإلى عطى منهـاج دربٍ عطيتـه
يانـاس خلـوا كـل وادٍ ومجـراه
...قلتـوا كثيـر وقولكـم مالقيـتـه
_____
Youtube: youtube.com/user/fahadmata…
SoundCloud: soundcloud.com/fahadmatarcom
Twitter: twitter.com/F_mtr
Instagram: instagram.com/fhdmtrs
Facebook: facebook.com/fhdmtrs
Google+: plus.google.com/+fahadmatartv
